Mundu Garaikideko Historia

Benetako emakumeek kurbak dituzte.

Benetako emakumeek kurbak dituzte

Pelikularen fitxa, hausnarketarako:

Egin testu oso bat galdera hauek erantzuteko.

EKONOMIA, ENPRESAK, MERKATUA ETA LAN MUNDUA

1. Pelikula honetan eragile ekonomikoak agertzen dira. Guzman irakasleak Anari aipatzen dio laguntzak eduki ditzakela ikasten jarraitzeko. Zein eragile agertuko litzateke ekonomiaren zikoaren parte honetan (Unibertsitatea, Ana, bekak). Azaldu pelikulan agertzen dena ekonomiako teoriarekin. 4-5 lerro.

2. Pelikulan ez da ikusten deslokalizazioa Estelaren tailerra Estatu Batuetan dagoelako, ez Mexikon. Hala ere, Mexikoko jendeak lan egiten dute tailer honetan, etorkinak dira. Eta tailer horretan soinekoen ekoizpena egiten dute. Subkontratazio bat egiten du Bloomingdale´s-ek eta horrek duen logika deslokalizatzeko arrazoi bat bezalakoa da. Zein? Azaldu lau edo bost lerrotan.

3. Zenbat ordaintzen die Bloomingdale´s-ek Estelari jantzi bakoitzaren truke? Zenbatean saltzen dute publikoak erosteko? Kokatu agertzen diren kontzeptuak klasean ikasitako formulan. Ee= SG-KG eta azaldu hitzekin gertatzen dena. Gero, bi lerrotan honen gaineko Anaren iritzia azaldu. (Zer dira Estelaren soinekoak, eta Estelaren langileak Bloomingsdale´s-entzat?)

Zergatik emakume enpresariak ez dio ematen epearen luzerarik Estela-ri? Zein "presio" izan dezake Estelak? Zer egingo zenuke zuk enpresaria izango bazina?

4. Zein arlotan lan egiten du Anaren enpresa-k? 1. sektorea, 2. sektorea, 3. sektorea? Zergatik? (Bilatu liburuan)

5. Zeintzuk dira Estelaren enpresan ekoizpen faktoreak? Norenak dira? Aipatu eta banan-banan azaldu.

6. Norentzat lan egiten dute, bezeroentzat zuzen edo beste enpresa batentzat? Beraz, zer motatako merkatuan murgiltzen dira : lehia perfektuan, ez perfektuan, oligopolikoa, monopolista...

7. Erlazionatu egiten dituzten ondasunen prezioa eta pentsatu: ordaindu ahal dute haiek? Zergatik?

8. Bilatu interneten zer den "maquiladora" bat, Mexicon. Esteka horretan sartu eta irakurri lehenengo 25 lerro. Eta eman definizioa euskeraz. (mesedez, ez erabili "itzultzailea") Ikasi zuk egiten!!

9. Zer da sindikatu bat? Ikertu esteka honetan. (Irakurri lehenengo bi lerroak eta gero, kontzeptuan lehenengo lau lerro) Sindikatuen lana ikusi duzu tailer honetan? Zergatik? Pentsatu zuk eta arrazoitu.

Ikuspegi feminista eta soziala

1. Zergatik pentsatzen du Ana-ren amak Anak ezkondu behar duela eta ikasketak utzi, eta horrez gain, ama bera zaindu? Uste duzu egoera sozialak eragina duela Anaren amaren jarreran?

2. Ikertu: Zer da "gordofobia"? Non ikusten da pelikulan? Uste duzu gaur egun oraindik existitzen dela? kontatu ahal duzu horrekin zerikusia duen pasadizo errealaren bat?

Etorkinen ikuspegia

1. Anaren aitak bere iritzia aldatzen du pelikulan zehar. Zergatik? Zerk aldarazten dio iritzia? Nork? Zer esaten dio irakasleak mexikoko etorkinei buruz?

Langileen kontzientzia

1. Anak dio Estela "esplotatuta" dagoela tailerrean. Ados zaude? Zer egingo zenuke zuk Estela izango bazina? Beteko zenituzke dauzkazun epeak? Uste duzu langileengan pentsatzen ari dela?

2. Imaginatu tailerrerko emakume langile bat zarela. Onartuko zenituzke soldata baxua eta kobratzeko atzerapenak?

KLASEKO DEBATERAKO

1. Zure ustez, pelikularen egileak ematen du iritzi bat estetika femeninoaren gainean?

2. Zer iruditzen zaizu familia hori? Zergatik?

3. Nolako lan egoeratan ikusten dituzu pelikularen protagonistak? Ikusi duzu zure inguruan antzeko zerbait?

Stalin, tirano gorria

Stalin, tirano gorria

Esteka honetan irakurri ahal duzu zein den Errusiako Giza Eskubideen defendatzaileek eskatzen dutena.

Eta beste esteka honetan aurkituko duzu "Stalin, el tirano rojo" pelikula. Informazio horiekin apunte hauek dituzu:

1924-25an, Leninen heriotza gertatu ondoren, Stalin boterera heldu zen.

1. Zeintzuk ziren komunismoaren ametsak, argiak, esperantzak?

a. Haien ustez, oso beharrezkoa zen gizarte justua lortzea. Berdintasunari eman zioten garrantzi handia. Horretarako, pribilegioen desagerpena bultzatu zuten, dekretuen bidez. Guztiok berdinak izatea, bai legearen aurrean, baita politikan parte hartzeko momentuan ere. Horretarako, historian izandako baztertuek boterea eskuratzea nahi zuten.

b. Edozein langilek familiari bizitza duina eskaini ahal izatea. Guztiok aukera berdinekin, jaiotzez. Osasuna edo hezkuntza botere publikoek subentzionatuta egotea bultzatu zuten.

c. Oso laburtuta, hauxe zen amets komunista: historia aldatzea eta beheko mailako talde sozialak hobeto bizitzea. Gizarte berri bat: pobre eta aberatsik gabekoa.

2. Zeintzuk ziren historiaren ondorioz zeuden arazo larriak Sobietar Batasunean?

Arazo asko izan zuen Sobietar Batasunak. Haien artean, batzuk estrukturalak ziren; hau da: komunismoa boterera heldu baino lehen bizitza sozialean existitzen ziren eta eragin latza izan zuten urteetan zehar. Beste arazo batzuk, ordea, berriak ziren eta Sobietar Batasunean finkatu zen diktadurari leporatu ahal zaizkio. Historian antzinakoak ziren arazoak hauek izan ziren, besteak beste:

a. Gerrak itotako herrialde bat zen Errusia. Gogoratu behar da zeintzuk izan ziren azkenengo urteetan pairatutako gerrak, iraultzak, sufrimendu belikoak: Japoniaren kontrako gerra (1904-1905), Lehenengo iraultza (1905), I Mundu Gerran parte hartu izana (1914-1918) bigarren iraultza, bi momentuetan(1917), Gerra zibila (1918), geroko esku hartzea II Mundu gerran (1939-45). Azkenengo gerra honetan, Sobietar Batasuna eratu eta gero hartu zuen parte herrialdeak.

b. Tsarren monarkia absolutuak utzitako pobrezia, atzerapen historikoa, nekazal munduko egoera mediebala, morroitzaren existentzia XIX. mendera arte. Herri ez demokratikoa zen Errusia, Antzinako Erregimenean oinarria zuena. Gizarteko talde sozialen artean desoreka itzelak mantentzen ziren; hala, gehiengoa pobrezia handian bizi ziren. Asko, miseria gorrian. Ez zen batere gizarte justua.

c. Industrializazio prozesua oso azkarra izan zen. Langileen baldintzak oso gogorrak. Dakigunez, hiri batzuetan proletariotzaren kontzientzia zabaltzen hasi zen. Beste langile batzuek ordea, haserrea baino ez zuten, hasieran oso kontzientzia politiko gutxirekin hasi ziren mobilizatzen Tsar edo geroko gobernuaren kontra.